ચહેરો તમારો

ચહેરો તમારો જોયો અને સવાર પડી,
તમારી જુલ્ફોની મહેકથી તાજગી મળી,

તમારા જ સ્પર્શે ચેતનાની અનુભૂતિ થઈ,
તમારા જ ટહુકાથી મનની જાગૃતિ થઈ,

નજરમાં તમારી નજર પરોવતા,
પ્રેમના અસીમ સમુદ્રો દેખાયા છલકતા,

કઠિન જીંદગીનો સામનો કરવાની,
તમારા સાથથી હિંમત આવી ગઈ,

તમારા દરેક શ્વાસે અમારૂં જીવન છે,
તમારા સાથ વિના જીવન અશક્ય છે,

પાગલ છું કે શાણો એની જાણ નથી,
આશિષ છું કે આશિક એની ખબર નથી,

લોકો શું કહેશે? એની પરવા નથી,
તમારા વિના જીંદગીની કલ્પના નથી.